Snapdragon X2 Plus Windows ноутбуклар бозорини қиздирмоқда
Qualcomm CES 2026 кўргазмасида Snapdragon X2 Plus платформасини расман намойиш қилди — у Windows компьютерлари учун чиплар қаторини кенгайтириб, оммавий сегментга мўлжалланган. Компания янги авлод ечими унумдорлик ва энергия тежамкорлиги ўртасида мувозанат топганини таъкидлайди. Бу ҳақда playground.ru хабар беради.
Архитектуранинг тежамкорлиги ҳисобига, қурилмалар бир неча кунлаб қувват талаб қилмасдан ишлаши мумкин. Шу боис Snapdragon X2 Plus портатив ноутбуклар бозорида, айниқса профессионал фойдаланувчилар ва контент яратувчилар учун, жиддий номзод сифатида кўрилмоқда.
Платформадаги илк қурилмаларни Lenovo, Dell ва Acer каби йирик ишлаб чиқарувчилар тақдим этади. Snapdragon X2 Plus асосидаги ноутбуклар 2026 йилнинг биринчи ярмида савдога чиқиши кутилмоқда.
Бироқ интрига битта: гап турли архитектуралар — ARM ва x86 — тўқнашуви ҳақида кетмоқда. Snapdragon’нинг x86 “майдони”да қанчалик рақобатлаша олиши Windows’нинг ARM учун қай даражада пухта оптимизация қилингани, жумладан драйверлар масаласига ҳам бевосита боғлиқ бўлади.
Шу орада Qualcomm янги процессорларни жуда тез-тез эълон қила бошлагани ҳам эътибордан четда қолмаяпти — бозор эса бу пойганинг натижасини амалий тестларда кўради.