FIFA ЖЧда офсайдни аниқлаш тизимини кучайтирмоқчи
Халқаро футбол федерацияси (FIFA) яқинлашиб келаётган жаҳон чемпионати олдидан ҳакамлик ишини янада аниқроқ қилиш бўйича режалари билан ўртоқлашди. Асосий эътибор офсайд ҳолатини белгилаш жараёнини такомиллаштиришга қаратилaди. Бу ҳақда euro-football.ru хабар беради.
FIFA маълумотига кўра, ҳар бир футболчи сунъий интеллект асосидаги янгиланган 3D сканерлаш орқали гиперреалистик рақамли аватарга айлантирилади. Ўйинчилар турнирдан олдинги фотосессия вақтида юқори технологияли сканер-камерадан ўтади ва бу жараён жуда тез бўлиб, ҳар бир футболчи учун атиги бир сония вақт олади.
Олинган скан натижалари ярим автоматик офсайд назорати тизимига футболчиларнинг ҳар бир ҳаракатини аввал кузатилмаган даражадаги аниқликда қайд этиш имконини беради. Натижада баҳсли эпизодларда қарор чиқариш сифатини ошириш кўзда тутилган.
Қайд этилишича, FIFA ушбу сканерлаш технологиясини аввалроқ клублар ўртасидаги қитъалараро кубок баҳсларида иштирок этган «Фламенго» ва «Пирамидс» жамоалари мисолида синовдан ўтказиб кўрган.