PEGI базасида Life is Strange Reunion саҳифаси топилди
Интернетда Life is Strange сериясининг навбатдаги эҳтимолий лойиҳаси ҳақида гап-сўзлар кучайди: Европанинг PEGI рейтинг тизими базасида Life is Strange: Reunion номли, ҳозирча расман эълон қилинмаган ўйин саҳифаси пайқалгани айтилмоқда. Бу ҳақда playground.ru хабар беради.
Оқиб чиққан тавсифга кўра, янги лойиҳа Максс Колфилд ҳикоясининг бевосита давомий қисми бўлиши ва франшизанинг муҳим қаҳрамонларидан бири — Хлоя Прайзни яна саҳнага қайтариши мумкин.
Сюжетда Хлоя яқинда чиққан Double Exposure ўйинидан таниш бўлган Каледон университетига келади. Уни даҳшатли тушлар ва изоҳ бериб бўлмайдиган хотиралар таъқиб қилади, шу сабаб у эски дугонасидан ёрдам излайди.
Бу пайтда Максснинг ўзи ҳам оғир ҳолатда: у атиги уч кун ичида кампусни яксон қилиши мумкин бўлган ҳалокатли ёнғини тўхтатишга уринади.
Ижтимоий тармоқларда эса айрим мухлислар франшиза ҳаддан ташқари “чўзилиб кетаётгани”ни танқид қилиб, асл ўйиндан кейин серияда чинакам кучли ишлар кам бўлганини эслатмоқда.