Fallout сериали 3-мавсуми суратга олиниши майда бошланади
Amazon MGM Studios постапокалиптик “Fallout” сериали мухлисларини кутилмаган янгилик билан хурсанд қилди: учинчи мавсум суратга олиш ишлари бу баҳорнинг ўзидayoқ старт олади. Бу эса аввал эълон қилинган муддатдан анча эрта. Бу ҳақда playground.ru хабар беради.
Орадан бир неча ҳафта ўтмай, сериалнинг ижрочи продюсери Жонатан Нолан жамоа суратга олишни ёз ойларида бошлашга умид қилаётганини айтганди. Бироқ энди маълум бўлишича, ишлар 1-май куни Калифорниянинг Санта-Кларита шаҳрида бошланади. Бундай жадвал ўзгариши Amazon мавсумлар орасидаги танаффус чўзилиб кетмаслиги учун ишлаб чиқаришни тезлатишга уринаётганини кўрсатади.
Режиссёрлик курсисига яна Фред Тойе қайтади. Бу қарор илк икки мавсумда шаклланган визуал услуб ва ҳикоя давомийлигини сақлаб қолишга хизмат қилади. Film and Television Industry Alliance маълумотига кўра, Тойенинг “жанр тажрибаси” сериал яратган улкан постапокалиптик оламни янада кенгайтиришда муҳим роль ўйнайди.