Муфтий Нуриддин Холиқназар халқаро Ҳадис академияси илмий кенгашига кирди
0
Ўзбекистон мусулмонлари идораси раиси, муфтий Нуриддин Холиқназар Саудия Арабистонида фаолият юритадиган Қирол Салмон ибн Абдулазиз Ал Сауд номидаги Ҳадис академиясининг Илмий кенгаши аъзолигига қабул қилинди. Бу ҳақда kursiv.uz хабар беради.
Бу билан Ҳадис академияси муфтий аъзо бўлган халқаро тузилмалар орасида олтинчи ташкилотга айланди. Аввалроқ у Абу-Дабидаги Тинчлик форуми, Халқаро мусулмон уламолари кенгаши ҳамда бошқа бир қатор халқаро исломий ташкилотлар таркибига ҳам киритилганди.
2017 йилда ташкил этилган Ҳадис академиясининг бош қароргоҳи Мадина шаҳрида жойлашган. У ҳадисларни тадқиқ этиш ва нашрга тайёрлаш, мутахассислар тайёрлаш, таълим дастурларини ривожлантириш ҳамда диний экстремизмга қарши иш олиб бориш билан шуғулланади.