Агент Джикия «Антальяспор»ни тарк этмоқчи эмаслигини айтди
Туркиянинг «Антальяспор» клубида тўп сураётган ҳимоячи Георгий Джикиянинг агенти Владимир Кузмичёв футболчининг жамоани тарк этиши ҳақидаги миш-мишларга муносабат билдирди. Бу ҳақда euro-football.ru хабар беради.
Агентнинг айтишича, бу борада унга ҳеч ким мурожаат қилмаган. Кузмичёв «RB Sport»га берган изоҳида Джикия ҳозир ҳам «Антальяспор» футболчиси эканини, клуб унга ишонишини ва футболчи жамоани тарк этишни режалаштираётмаганини таъкидлади.
Эслатиб ўтамиз, россиялик ҳимоячи ўтган ёзда «Антальяспор» сафига қўшилган ва клуб билан икки йиллик шартнома имзолаган.
Жорий мавсумда 32 ёшли Джикия барча мусобақаларни ҳисобга олганда 13 та учрашувда майдонга тушиб, 2 та гол урди.
У аввалроқ «Химки», «Спартак», «Амкар», «Химик», «Спартак-Нальчик» ва «Локомотив» клублари шарафини ҳам ҳимоя қилган.