Ўзбекистонда Белгиянинг янги элчиси иш бошлади
0
Ўзбекистон ташқи ишлар вазири Бахтиёр Саидов Белгиянинг янги элчиси Эрик Де Маййер билан учрашди. Вазир дипломатнинг ишонч ёрлиқлари нусхаларини қабул қилиб олди ва бу унинг мамлакатдаги расмий фаолияти бошланганини англатади. Бу ҳақда podrobno.uz хабар беради.
12-январ куни бўлиб ўтган мулоқотда томонлар икки томонлама алоқаларнинг долзарб масалаларини муҳокама қилди. Шунингдек, савдо, инвестиция ва бизнес ҳамкорлигини ривожлантириш, амалий иқтисодий шерикликни кенгайтириш муҳимлиги қайд этилди.
Учрашув якунида Саидов элчига Ўзбекистондаги дипломатик миссиясида муваффақият тилади. Эслатиб ўтамиз, Белгиянинг Тошкентдаги элчихонаси очилиши ҳақида 2025-йил кузида хабар берилган, аввал бу лавозимда Анри Вантигем фаолият юритган.