Спаллетти "Ювентус" кўплаб жиҳатларда ўсганини айтди
“Ювентус” бош мураббийи Лучано Спаллетти жамоа унинг қўл остида сезиларли ўсишга эришганини таъкидлади. Мутахассис 2025 йил октябрида Игор Тудор ишдан бўшатилгач, туринликлар бошқарувини қабул қилиб олганди. Бу ҳақда euro-football.ru хабар беради.
Спаллеттининг айтишича, у “Ювентус”даги илк ўйинини сафарда Кремонада ўтказган пайтдан бери таркиб кўплаб йўналишларда олдинга силжиган, бироқ замонавий футбол талаб қиладиган айрим жиҳатлар устида ҳали ишлаш лозим.
Мураббий, хусусан, йўқотилган тўпни тезда қайтариб олиш (прессинг) масаласини алоҳида тилга олди. Унинг фикрича, тезкор тўпни қайтариб олиш нафақат жамоага ишонч беради, балки ҳужумни тўхтаган нуқтадан дарҳол давом эттириш имконини ҳам яратади. Шунга қарамай, Спаллетти жамоа умумий йўналишда тўғри йўлда эканини қайд этди ва турнир жадвалидаги якуний ўрин ҳақида ҳозирданоқ ўйлашдан кўра, навбатдаги вазифага эътибор қаратиш муҳимлигини урғулади.
Айни пайтда “Ювентус” чемпионатда 19 турдан сўнг 36 очко билан бешинчи ўринда бормоқда. Пешқадам “Интер” ҳисобига эса 43 очко бор.