Тошкентда кўп қаватли уйда ёнғин содир бўлди
0
14 январь куни Тошкент шаҳрининг Мирзо Улуғбек туманидаги кўп қаватли уйлардан бирида ёнғин содир бўлди. Бу ҳақда пойтахт Фавқулодда вазиятлар бош бошқармаси маълумот берди.
Маълумотларга кўра, соат 23:59 да туманнинг Ниёзий кўчасида жойлашган кўп қаватли уйдаги хонадонлардан бирида ёнғин юз берган. Ўшандан сўнг, ФВББга тезкор хабар келиб тушган. Ёнғин-қутқарув экипажи соат 00:04 да ҳолатга етиб бориб, фаол ҳаракат қилиб, 00:37 да ёнғинни тўлиқ бартараф этган.
Ёнғин оқибатида тан жароҳатлари олган шахслар ҳақида маълумот берилмаган. Фавқулодда вазиятлар бошқармаси ходимлари ёнғиннинг ўз вақтида ўчирилиши ва ҳодиса оқибатида қурбонлар йўқлигини маълум қилди.