Навоийлик 5-синф ўқувчиси инглиздан B2 олди
Навоий шаҳридаги 22-умумтаълим мактабининг 5-синф ўқувчиси Исломбек Мансуров инглиз тилидан B2 даражадаги миллий сертификатни қўлга киритди. Бу ҳақда вилоят Мактабгача ва мактаб таълими бошқармаси маълум қилди.
Қайд этилишича, Исломбек ушбу натижага илк уринишдаёқ эришган. Ёшини ҳисобга олганда, бу кўрсаткич мамлакат миқёсида энг юқори натижалар қаторида қайд этилиши мумкин.
Бошқарма ахборотида таъкидланишича, бу ютуқ ёшлар орасида чет тилларига қизиқиш ошиб бораётганини кўрсатади. Шунингдек, тўғри йўналтириш ва меҳнат билан ҳатто катта мақсадларга ҳам эришиш мумкинлиги яна бир бор исботланди.
Эслатиб ўтамиз, олий таълим муассасаларига ҳужжат топширишда чет тилидан B2 сертификатига эга абитуриентларга белгиланган тартибда максимал балл берилади.