Андижонда ука акасини болта билан ўлдирди
Андижонда руҳий саломатлиги билан боғлиқ муаммолари бор ука акасини болта билан уриб ўлдирган, янгасини эса болға билан уриб ўлдирмоқчи бўлган. Ҳодиса 2025 йил 18 октябрь куни “Чўлпон юз йиллиги” маҳалласида содир бўлган.
Суд материалларига кўра, ука 2020 йилдан психоневрология диспансери ҳисобида турган ва акаси-янгаси билан бир уйда яшаган. Оила аъзолари уни руҳий шифохонага жойлаштириш ҳақида гапирганидан кейин, у ғазабланиб, уларни ўлдириш ниятига келган.
Янга қочиб ёрдам сўраган, қўшни аёл аралашиб, ҳужумчининг қўлидаги болғани тортиб олган.
Психиатрия экспертизаси A.Б. жиноят пайтида ўз ҳаракатини англай олмаганини билдирган. Суд 18 декабрда уни ақли норасо ҳолатда жиноят содир этган деб топиб, қамоқ чорасини бекор қилган ва Республика кузатуви кучайтирилган руҳий касалликлар шифохонасида мажбурий даволаниш белгилаган.