Саида Мирзиёева баҳолаган “Инсоний биродарлик” мукофот ғолиблари маълум бўлди
0
Бирлашган Араб Амирликларида тинчлик, ижтимоий адолат ва динлараро тотувликни мустаҳкамлашга хизмат қилувчи нуфузли “Инсоний биродарлик” (Zayed Award for Human Fraternity) мукофоти совриндорлари маълум бўлди. Бу йилги мукофот Озарбайжон ва Арманистон ўртасидаги тарихий тинчлик келишуви, шунингдек, ҳуқуқ ҳимоячиси Зарқа Яфталига берилди.
Совриндорларни аниқлаган халқаро ҳакамлар ҳайъати таркибида Марказий Осиёдан ягона вакил сифатида Ўзбекистон Республикаси Президенти Администрацияси раҳбари Саида Мирзиёева иштирок этди. Тақдирлаш маросими 2026 йил 4 февраль куни БМТ белгилаган Халқаро инсон биродарлиги кунида бўлиб ўтади.