U-23 Осиё Кубоги. Хитой Ветнамни мағлуб этиб, финалга чиқди

U-23 Осиё кубогида ҳал қилувчи босқичга чиқадиган жамоалар номи ойдинлашди. Яримфиналнинг иккинчи учрашувида Хитой ёшлар терма жамоаси Ветнамга қарши ишончли ўйин намойиш этиб, 3:0 ҳисобида ғалаба қозонди ва финалга йўлланмани расман қўлга киритди.

Баҳснинг иккинчи таймида хитойликлар кетма-кет зарбалар билан рақибни қийин аҳволга солиб қўйди. 47-дақиқада Пенг Хиао ҳисобни очди. Орадан кўп ўтмай, 52-дақиқада Хианг Ювенг яна бир гол уриб, устунликни икки бараварга оширди. Учрашувнинг сўнгги лаҳзаларини Ветнам ҳимояси учун янада оғирлаштирган вазият 90+8-дақиқада кузатилди — Юдонгнинг голи якуний ҳисобни белгилаб берди.

Шу тариқа, мусобақанинг финалида Япония ва Хитой ўзаро куч синашади. Мухлисларни эса яна бир қизиқ тўқнашув — учинчи ўрин учун беллашув ҳам кутиб турибди: Жанубий Корея ва Ветнам бронза медаллар тақдири учун майдонга чиқади.

U-23 Осиё кубоги. Яримфинал
Ветнам — Хитой 0:3
Голлар: Пенг Хиао (47), Хианг Ювенг (52), Юдонг (90+8)