Анчелотти Бразилия билан келажаги бўйича қарор қабул қилди
Машҳур мураббий Карло Анчелотти келажаги борасида аниқ қарорга келди. Globo Esporte хабарига кўра, Бразилия футбол конфедерацияси ва италиялик мутахассис ҳамкорликни давом эттириш бўйича келишувга эришган. Бу ҳақда euro-football.ru хабар беради.
Манбага кўра, Анчелотти янги шартномани февраль ойида имзолаши кутилмоқда. Янги битим шартларига асосан, у Бразилия миллий жамоасини 2030 йилги Жаҳон чемпионати якунигача бошқаради.
Қайд этилишича, Бразилия яқинлашиб келаётган Жаҳон чемпионатидаги натижалардан қатъи назар, Анчелотти билан ишлашни давом эттириш ниятида. Шартномани узайтириш бўйича музокаралар октябрь ойида бошланган, ўтган йил якунига келиб эса янада жадаллашган. Энди томонлар фақат бюрократик масалаларни ҳал қилиб олиши қолган.