Кутузов Малдинининг Миландаги интернет ёрдамини эслатди
Беларус терма жамоасининг собиқ ҳужумчиси Виталий Кутузов “Милан”даги фаолияти даврида интернетга уланиш учун Паоло Малдинидан ёрдам сўраганини эслаб ўтди. Бу ҳақда euro-football.ru хабар беради.
Кутузов ватани билан алоқада бўлиш мақсадида тармоққа уланишга уринади, бироқ ўша пайтда бу иш осон бўлмаган. Жамоанинг бошқа футболчилари эса техник масалаларда ҳаммадан кўра яхши тушунадиган Малдинига мурожаат қилишни маслаҳат беради.
“Паоло клуб офисига бориб, қандайдир дисководни улади, уч соатлаб овора бўлди, деярли дам ҳам олмади. Бу — “Милан” ва Италия терма жамоаси сардори, у эса мен учун уч соатини сарфлади”, — дея Кутузовнинг сўзларини келтиради “Чемпионат”.
Кутузовнинг айтишича, ўша даврдаги “Милан” таркибида деярли ҳар бир футболчи ибрат бўла оларди: у жамоада Женнаро Гаттузо, Андреа Пирло ва бошқа юлдузлар билан бирга ўйнаган.
Аввалроқ Кутузов “Парма”да Клаудио Ранери билан ишлаган даврига оид хотиралари билан ҳам бўлишганди.