«Ювентус» Эн-Несирининг трансферини дам олиш кунлари якунламоқда
Туриннинг «Ювентус» клуби «Фенербахче» ҳужумчиси Юссеф Эн-Несирини харид қилиш бўйича келишувни айнан шу дам олиш кунлари тўлиқ якунлашга яқин турибди. Бу ҳақда euro-football.ru хабар беради.
28 ёшли марокашлик форвард 22 млн евроға баҳоланмоқда. Унинг турк клуби билан амалдаги шартномаси 2029 йил 30 июнгача мўлжалланган.
2025/2026 йилги мавсумда Эн-Несири барча клуб турнирларида 25 учрашувда майдонга тушиб, 8 та гол урди ва 1 та голли узатмани амалга оширди.
Ҳужумчи 2024 йил ёзида Испаниянинг «Севилья» клубидан «Фенербахче»га 19,5 млн евро эвазига кўчиб ўтган эди.
Инсайдер Фабритсио Романонинг маълумотига кўра, марокашлик футболчи яқин вақт ичида «Қари синьора» сафидаги ўйинчига айланади.