Криштиану Роналду фаолиятини қачон якунлашини белгилади
«Ал-Наср» ҳужумчиси Криштиану Роналду футболчилик фаолиятини қачон тугатишни режалаштиргани маълум бўлди. Журналист Бен Жейкобс хабарига кўра, португалиялик футболчи амалдаги шартномаси муддати якунланадиган 2027 йил ёзида Саудия клубини тарк этишни режалаштирмоқда. Бу ҳақда euro-football.ru хабар беради.
Манбага кўра, айнан ўша пайтда Роналду катта эҳтимол билан бутсаларини “михга илиб” қўяди. 5 карра “Олтин тўп” соҳиби 2027 йилга келиб 42 ёшда бўлади.
Роналду 2023 йил бошидан буён «Ал-Наср» сафида тўп суриб келмоқда. Ҳозир 40 ёшли ҳужумчи Саудия Арабистони чемпионатида 16 ўйинда 16 гол уриб, тўпурарлар пойгасида етакчилик қилмоқда.