«Севилья» «Атлетик»ни камбэк эвазига мағлуб этди
Ла Лиганинг 21-турида «Севилья» ўз майдонида «Атлетик»ка қарши тенг курашда кечган баҳсда характер кўрсатиб, иродали ғалабага эришди. Бу ҳақда euro-football.ru хабар беради.
Учрашув бошида Акор Адамс хавфли вазият яратди, бироқ дарвозабон унинг зарбасини қайтарди. Иниго Руис жарима майдончаси ташқарисидан бироз ноаниқ тепди. Биринчи тайм ўрталаридан Неманья Гуделжнинг голи фол сабаб бекор қилинди. 40-дақиқада Урко Исетанинг зарбаси ҳимоячига тегиб қайтди, қайтган тўпни Роберто Наварро дарвозага жойлаб қўйди — 0:1. Орадан кўп ўтмай, Хуанлу Санчес узатмасидан кейин Жерар Фернандес ҳисобни тенглаштирди — 1:1.
Иккинчи бўлим бошида Юри Берчиче қўли билан ўйнаб, қарши ҳужумни тўхтатди ва ҳакам пеналти белгилади. 11 метрлик зарбани Адамс аниқ ижро этиб, дарвозабон бошқа бурчакка сакраганидан фойдаланиб «Севилья»ни олдинга олиб чиқди — 2:1. Шунингдек, Кике Саласнинг йиқилиб туриб қайчи услубида йўллаган зарбаси ҳам томошабинлар ёдида қолди, аммо дарвозабон бу уринишни ҳам қайтарди.
Ғалабадан кейин ҳар икки жамоа ҳисобида 24 очко бор — «Севилья» ва «Атлетик» турнир жадвалида 9-ўринни бўлиб турибди.