Давид Трезеге Буэнос-Айресда «Ривер Плейт»га ишга қайтди
Туриннинг «Ювентус»и ва Франция терма жамоасининг собиқ ҳужумчиси Давид Трезеге яна Аргентинага қайтди. У аввалроқ «Ривер Плейт» сафида тўп сурган ва клуб билан бирга мамлакат иккинчи лигасида чемпионликни ҳам қўлга киритган эди. Бу ҳақда euro-football.ru хабар беради.
Энди эса Трезеге майдонга эмас, клуб бошқарувига яқинлашмоқда: у «Ривер Плейт» раҳбарияти таркибига қўшилиши учун Буэнос-Айресдаги клубга қайтди.
Француз мутахассисининг аниқ лавозими расман очиқланмади, бироқ клуб уни тўлиқ раҳбарият иштирокидаги тақдимот маросими орқали таништирди. Тадбирда Трезеге стратегик масалалар билан шуғулланиши ва «Ривер Плейт»ни институционал даражада вакиллаши маълум қилинди.
Эслатиб ўтамиз, Давид Трезеге футболчилик фаолиятини 2015 йилда якунлаган.