«Нипах» вируси: Ҳиндистонда карантин чоралари кучайтирилди
Ҳиндистонда хавфли «Нипах» вируси билан боғлиқ биринчи ўлим ҳолати расман тасдиқланди. Маълум қилинишича, Калькутта шаҳрида яшовчи ёш аёл аҳволи оғирлашиб, шифохонага ётқизилган, кейинчалик комага тушган ва шифокорлар саъй-ҳаракатларига қарамай вафот этган.
Оммавий ахборот воситалари тарқатган маълумотларга кўра, касалликнинг кенг тарқалишининг олдини олиш мақсадида юзлаб фуқаролар карантин чораларига олинган. Тиббий кузатув кучайтирилган, эҳтимолий алоқада бўлган шахслар текширувдан ўтказилмоқда.
Вазиятга жавобан бир қатор давлатлар эҳтиёт чораларини кўра бошлади. Жумладан, Таиланд ҳукумати Ҳиндистондан келаётган йўловчилар учун аэропортларда санитария назоратини кучайтирди. Йўловчилар вирусга хос аломатлар бўйича текширилмоқда.
Мутахассислар ҳолатни жиддий баҳолаб, аҳолини эҳтиёт чораларига қатъий риоя қилишга чақирмоқда.