Точшилин Захарянга Европада қолиш фойдалирақ деб ҳисоблайди
Аввал "Динамо" сафида тўп сурган Александр Точшилин Арсен Захаряннинг "Реал Сосьедад"даги ҳолати ҳақида фикр билдирди. Бу ҳақда euro-football.ru хабар беради.
Испания ОАВида тарқалган хабарларга кўра, басклар жамоасининг янги бош мураббийи футболчини ўз режаларига киритмаган ва бу ҳақда ярим ҳимоячининг ўзига ҳам маълум қилган. Шунингдек, Ла Лиганинг бир нечта клублари Захарянни ижара асосида таркибга қўшиб олишга қизиқаётгани айтилмоқда.
Точшилин "RB Sport"га берган изоҳида Захарян учун Европада қолиш энг тўғри йўл эканини таъкидлади: ёш россиялик футболчи сифатида у айнан Европа футболида ўсиши ва ривожланиши керак. Унинг барқарор ўйин кўрсатиши учун жароҳатлар безовта қилмаслиги ҳам муҳим, деди у.
22 ёшли футболчи "Реал Сосьедад"га 2023 йилда келиб қўшилган. Захарян клуб сафида 60 та учрашувда майдонга тушиб, 3 та гол урди ва 3 та голли узатма муаллифи бўлди.