«Реал» Эндрик бўйича келажак режасини аниқ белгилади
Мадриднинг «Реал» клуби ҳужумчиси Эндрик ижара асосида тўп тепаётган «Лион» сафида ёрқин ўйини билан эътиборни тортмоқда. Бу ҳақда euro-football.ru хабар беради.
19 ёшли бразилиялик футболчи франсуз жамоасидаги дастлабки уч учрашувда 4 та гол уриб, 1 та голли узатма берди. Лига 1 доирасида «Мец»га қарши баҳсда у хет-трик қайд этди.
Журналист Фабритсио Романонинг маълумотига кўра, «Реал»нинг позицияси қатъий: клуб Эндрикка ишонади ва у қайтгач Мадридда ўзини кўрсатиш учун имконият олади. «Лион» ижарани узайтиришга уриниши мумкин, бироқ «қироллик клуби» раҳбарияти истеъдодли ҳужумчини қайтаришни режалаштирмоқда.
Эндрикнинг «Реал» билан амалдаги шартномаси 2030 йилнинг ўрталаригигача мўлжалланган.