«Ювентус» Спаллетти билан шартномани 2028 йилгача узайтирмоқчи

Туриннинг «Ювентус» клуби бош мураббий Лучеано Спаллеттига янги шартнома таклиф қилиш ниятида. Бу ҳақда euro-football.ru хабар беради.

La Gazzetta dello Sport хабарига кўра, клуб мураббий билан келишувни 2028 йил ёзигача узайтиришни кўзламоқда. Бироқ Спаллетти ҳозирча шошилмаяпти: у раҳбариятдан трансфер бозорида ўзи истаган футболчилар олиб берилишига кафолат сўрамоқда.

Спаллетти «Ювентус»ни 2025 йил октябр ойининг охирида қабул қилиб олган. Унинг амалдаги шартномаси 2026 йил 30 июнгача мўлжалланган. Айни пайтда туринликлар А Серия жадвалида 22 турдан сўнг 42 очко билан бешинчи ўринда бормоқда ва пешқадам «Интер»дан 10 очкога ортда қолган.