Спаллетти «Ювентус»нинг «Монако»га қарши устун томонини айтди
Туринликлар устози Лучано Спаллеттининг фикрича, Чемпионлар лигаси асосий босқичидаги учрашув олдидан «Ювентус» «Монако»га нисбатан маълум устунликка эга бўлади. Бу ҳақда euro-football.ru хабар беради.
Мутахассис ҳал қилувчи омил сифатида монаколиклар турнирдаги курашни давом эттириш учун албатта ғалаба қозониши кераклигини кўрсатди.
«Бизда яхши устунлик бор: босимсиз ўйнашимиз мумкин. Шу ўйинда жамоамиз қайси даражада эканини кўрасиз», — дея Спаллетти сўзларини УЕФА матбуот хизмати келтирди.
Шу билан бирга, у «Ювентус» ҳам ғалаба учун охиригача курашишини таъкидлади: мақсад — дастлабки саккизликдан жой олиб, плей-оффга тўғридан-тўғри йўл олиш.