Жеррард Слотнинг гапларини мухлисларга оғир зарба деб атади
«Ливерпул»нинг собиқ саркардоси Стивен Жеррард жамоа бош мураббийи Арне Слотнинг яқинда айтган фикрларига муносабат билдирди. Бу ҳақда euro-football.ru хабар беради.
Нидерландиялик мутахассис ўтган мавсумдаги чемпионликка Европа Чемпионлар лигасида «ПСЖ»дан эрта чиқиб кетиш ҳам таъсир қилган бўлиши мумкинлигини таъкидлади.
Жеррард эса бундай баёнот мухлисларни ранжитишини айтди. Унинг фикрича, Слот ўша интервьюни берган пайтда «Ливерпул» АПЛда таъқибчилардан 15 очко олдинда бўлган ва чемпионлик амалда ҳал бўлиб улгурган.
«Чемпионлар лигасидан чиқиб кетиш чемпионатдаги ғалабага сабаб бўлди, деган гап мухлислар учун ҳақиқий зарба. Чунки улар жамоа билан шу йўлни босиб ўтади, Чемпионлар лигасида «Ливерпул»ни қўллаб-қувватлаш учун катта пул сарфлайди. Турнирдан чиқиб кетишнинг ўзи ҳам оғриқли, бунинг устига ‘бу ёрдам берди’ дейишса, янада ёқимсиз бўлади», — дея Жеррарднинг сўзларини инглиз ОАВ келтирди.
Бугун «қизиллар» умумий босқичнинг сўнгги тури доирасида ўз майдонида «Қорабоғ»ни қабул қилади.