Непомнящий Макаров Туркия клубларига мос келади деди
Туркия клубларида ишлаш тажрибасига эга россиялик мураббий Валерий Непомнящий Денис Макаровнинг «Кайсериспор»га ўтиши ҳақида фикр билдирди. Ярим ҳимоячи Москванинг «Динамо»сини эркин агент сифатида тарк этди. Бу ҳақда euro-football.ru хабар беради.
Мутахассиснинг айтишича, Макаровнинг Туркияда ўзини кўрсатиб кетиши кафолат эмас: у аввало янги муҳит ва турмуш тарзига мослашиши керак. Непомнящий ўйин сифати жиҳатидан футболчи турк жамоаларига мос келишини, бироқ менталитет ва маиший томондан саволлар борлигини таъкидлади.
«Кайсериспор» ҳозирча қуйи лигага тушиб кетмаслик учун курашмоқда: жамоа 15 очко билан 17-ўринда бормоқда. 27 ёшли Макаров жорий мавсумда барча мусобақаларда 12 учрашувда майдонга тушиб, 3 гол урди ва 1 ассист қайд этди.