Райҳоннинг саҳнадаги самимий гаплари зални йиғлатди
Хонанда Райҳон концерти давомида томошабинларни бефарқ қолдирмади. У саҳнада туриб синглисига бўлган чексиз меҳрини, миннатдорлиги ва эътирофини очиқчасига изҳор қилди. Самимий сўзлари эса бутун зални ларзага келтириб, кўплаб мухлисларнинг кўзига ёш келтирди.
Райҳоннинг айтишича, у шу пайтгача айрим ҳис-туйғуларини вақтида билдириб улгурмагани, синглисидан узр сўрамагани ич-ичидан оғир ботган.
— “Синглимни жуда яхши кўраман. Баъзан ўйлаб қоламан: нега шу пайтгача ундан узр сўрамадим, бу хато бўлган, деб ичимдан ўтказаман. Шунинг учун бугун битта муҳим гапни айтмоқчиман — хатоларни юзга солиб яшаманг. Биз ҳаммамиз инсонмиз, ҳаммамиз адашамиз, ҳаммамиз хато қиламиз. Аммо кечириб яшаш осонроқ. Кечирим ҳаётни ҳам енгилроқ қилади,” — деди хонанда саҳнадан туриб самимий ва таъсирли оҳангда.