Ўзбекистонда болалар нафақаси миқдори мунтазам оширилади
0
2026 йилдан бошлаб Ўзбекистонда болалар нафақаси миқдори инфляция даражасида мунтазам равишда кўриб чиқилади ва оширилади. Бу ҳақда Иқтисодиёт ва молия вазирлиги расмий маълумот берди.
Маълум қилинишича, болалар нафақаси сўнгги 3,5 йил давомида ўзгармаган, фақат 2025 йил июль ойида 10 фоизга кўтарилган эди. Энди нафақа суммаси инфляциядан кам бўлмаган миқдорда индексация қилинади.
Вазирлик вакилининг таъкидлашича, ижтимоий ёрдам тизими рақамлаштирилгани туфайли маблағлар ҳақиқатан ҳам эҳтиёжманд оилаларга аниқ ва манзилли тарзда тўланмоқда. Шу тарзда нафақаларни ошириш имконияти ҳам яратилган.