«Майнц» етакчиси Амири пеналти голлари билан Мбаппени қувмоқда
Германия Бундеслигасининг 21-турида «Майнц» ўз майдонида «Аугсбург»ни қабул қилиб, 2:0 ҳисобида зафар қучди. Бу ҳақда euro-football.ru хабар беради.
Учрашувнинг энг қизиқ жиҳати шундаки, иккала гол ҳам пеналтидан киритилди. Ҳар икки вазиятда ҳам ярим ҳимоячи Надим Амири аниқ зарба бериб, жамоасига уч очко олиб келди.
Амири жорий мавсумда «Майнц»нинг энг сермаҳсул футболчиси бўлиб турибди: унинг ҳисобида 9 та гол бор, шундан 7 таси 11 метрлик нуқтадан. Европада пеналтидан урилган голлар бўйича у фақат битта футболчидан ортда — мадридлик «Реал» сафида 8 та пеналти гол урган Килиан Мбаппедан.
Айни пайтда «Майнц» Германия чемпионати турнир жадвалида 14-ўринни эгаллаб турибди.