Роберто Карлос Роналдунинг 1000 голга интилишига баҳо берди
Бразилия терма жамоаси ва Мадриднинг «Реал» клуби собиқ футболчиси Роберто Карлос 41 ёшли португалиялик ҳужумчи Криштиану Роналду фаолияти давомида 1000 та гол уриш маррасига яқинлашаётгани ҳақида фикр билдирди. Бу ҳақда euro-football.ru хабар беради.
Карлоснинг таъкидлашича, Роналду мухлислари учун унинг янги тарих ёзиб, рекордларни янгилаб бораётганини томоша қилиш жуда ёқимли. Унга кўра, 1000 та гол урган футболчилар орасида ҳозирча Пеле ягона бўлиб турибди, бироқ Роналду ҳам бу рўйхатни кенгайтириши мумкин.
Жорий мавсумда Роналду Саудия Арабистонидаги жамоаси сафида 22 та ўйинда майдонга тушиб, 18 та гол урди ва 3 та голли узатмани амалга оширди. Хабар қилинишича, у Саудия лигаси ичидаги трансфер сиёсатида норози бўлгани сабаб «Ал-Наср»нинг сўнгги учрашувларида иштирок этмай, ўйинларни бойкот қилган.