Чемпионлар лигаси финали учун расмий тўп намойиш қилинди
Чемпионлар лигасида умумий босқич якунланди. Энди навбат плей-офф ўйинларига: 16 жамоа стыков раундда майдонга тушиб, 1/8 финал йўлланмаси учун курашади. Умумий босқичнинг энг кучли саккиз жамоаси эса аллақачон 1/8 финалга тўғридан-тўғри йўл олди. Бу ҳақда euro-football.ru хабар беради.
Шу билан бирга, УЕФА Чемпионлар лигаси финали учун мўлжалланган расмий тўпни тақдим этди. У қорамтир ранглар уйғунлигида, оқ юлдузлар билан безатилган. Тўп Adidas томонидан ишлаб чиқарилган.
2025/2026 йилги мавсум финали Будапешт шаҳрида бўлиб ўтади. “Қулоқли” соврин учун асосий баҳс шанба куни, 30 май санасига белгиланган.
Ҳозирча мусобақа чемпиони ПСЖ ҳисобланади. Ўтган финалда парижликлар “Интер”ни 5:0 ҳисобида йирик тарзда мағлуб этганди.