Гарри Кейн «Бавария»нинг иккинчи ўриндан узоғини таъкидлади

Мюнхеннинг «Бавария» клуби ҳужумчиси Гарри Кейн жамоа мавсумнинг энг масъулиятли палласига кириб келаётгани ҳақида фикр билдирди. Мюнхенликлар бир вақтнинг ўзида учта турнирда совринлар учун кураш олиб бормоқда. Бу ҳақда euro-football.ru хабар беради.

Кейннинг айтишича, Бундеслигада иккинчи ўриндан сезиларли фарқ бор, бироқ бу устунлик тезда камайиб кетиши ҳам мумкин. У ўтган ҳафтадаги натижалар буни яққол кўрсатганини эслатди.

Шунингдек, форвард мавсум бошидан бери февраль-март ойларига келиб таркибда жиддий жароҳатлар бўлмаслиги ва турнир жадвалида юқори ўринларда туриш асосий мақсад бўлганини қайд этди. «Бавария» ҳозир ҳам чемпионат пешқадами, Германия Кубогида курашни давом эттирмоқда ва Чемпионлар лигасида чорак финалга чиққан — Кейн буни ижобий ҳолат сифатида баҳолади.

Футболчи энди мавсумнинг ҳал қилувчи қисми бошланаётганини таъкидлаб, жамоа меҳнатни кучайтириши ва рақиблар уларни қувиб етишга қодирми-йўқлигини майдонда кўрсатишини айтди.

Айни пайтда «Бавария» ҳисобида 54 очко бор, Дортмунднинг «Боруссия»си 48 очко жамғарган. Кейн Бундеслигада 24 та гол билан тўпурарлар пойгасида етакчилик қилмоқда.