Гарри Кейн «Бавария»нинг жадвалдаги фарқи ҳақида гапирди

Мюнхеннинг «Бавария» клуби ҳужумчиси Гарри Кейн жамоани мавсумнинг ҳал қилувчи палласи кутиб турганини таъкидлади. Мюнхенликлар айни пайтда учта турнирда бирдек мақсад учун кураш олиб бормоқда. Бу ҳақда euro-football.ru хабар беради.

Кейннинг айтишича, Бундеслигада иккинчи ўриндаги рақибдан анча олдинда боришса-да, бу устунлик тезда камайиб кетиши ҳам мумкин. У буни ўтган ҳафта кўринган вазиятлар яна бир бор эслатганини қайд этди.

Шунингдек, ҳужумчи мавсум бошидан бери жамоа феврал-март ойларига келиб юқори ўринларда, таркибдаги жароҳатлар муаммосисиз етиб боришни асосий вазифа қилиб олганини билдирди. «Бавария» ҳозирча турнир жадвалида етакчилик қилмоқда, Германия кубогида курашни давом эттиряпти ва Чемпионлар лигасида чорак финалга чиққан — Кейн буни жамоа учун ижобий ҳолат деб баҳолади.

«Энди мавсумнинг энг муҳим қисми бошланади. Биз меҳнатни давом эттиришимиз ва бизни ким қувлаб етиши мумкинлигини кўришимиз керак», — дея Кейннинг фикрларини клубнинг расмий сайти келтирди.

Ҳозирда «Бавария» ҳисобида 54 очко бор. Дортмунднинг «Боруссия» жамоаси 48 очко жамғарган. Кейн эса Бундеслиганинг энг яхши тўпурарлари пойгасида 24 та гол билан пешқадамлик қилмоқда.