«Бока Жуниорс» клубида янги спорт директори тайинланди
Аргентина гранди «Бока Жуниорс» спорт директори лавозимига Марсело Делгадо тайинланганини расман эълон қилди. У клуб президенти Хуан Рикелме билан яқиндан ҳамкорликда ишлайди. Бу ҳақда euro-football.ru хабар беради.
Жамоа таркибини тез фурсатда кучайтириш зарурати борлиги қайд этилмоқда. Эндиликда Делгадо ва Рикелме дуэти трансферлар ҳамда кадрлар масаласида фаол иш олиб бориши кутилмоқда.
Делгадо футболчилик фаолиятида ҳам катта тажриба тўплаган: у Аргентина терма жамоаси сафида 1995–2002 йилларда 18 та учрашув ўтказган ва 1998 йилги Жаҳон чемпионатида ҳам иштирок этган.
Шунингдек, 2003 йилда у Либертадорес кубогининг энг яхши тўпурарига айланган. Делгадо бу совринни «Сантос» ҳужумчиси, бразилиялик Рикардо Оливейра билан бирга қўлга киритган.