The Athletic талқинида тарихнинг энг зўр футболчилари рўйхати тузилди
Ижтимоий тармоқларда The Athletic нашри тузган футбол тарихидаги 100 нафар энг кучли футболчи рейтинги кенг тарқалди. Бу ҳақда euro-football.ru хабар беради.
Рўйхатнинг кучли ўнлигида Лионел Месси биринчи, Диего Марадона иккинчи, Пеле учинчи ўринни эгаллаган. Тўртинчи поғонага Йохан Кройф жойлаштирилган бўлса, бешликни Криштиану Роналду якунлаб берган. Кейинги ўринларда Альфредо ди Стефано, Франц Беккенбауэр, Зинедин Зидан, Ференц Пушкаш ҳамда Мишель Платини қайд этилган.
Бундай рейтингларни мутлақо холис тузиш қийин экани таъкидланмоқда. Redditдаги муҳокамаларда футбол ишқибозлари қизғин баҳсга киришиб, айримлар уч карра жаҳон чемпиони бўлган Пеленинг фақат учинчи ўринда қолганидан норози бўлди.
Шунингдек, дарвозабонлар орасида афсонага айланган Лев Яшин мазкур рейтингда 18-ўриндан жой олган.