Оуэн Тухел ва Почеттино МЮга мос эмаслигини айтди
Ёзда «Манчестер Юнайтед» бош мураббийлиги учун тилга олинаётган номлар орасида Томас Тухел ва Маурисио Почеттино ҳам бор. Бироқ клубнинг собиқ футболчиси Майкл Оуэн бу икки мутахассис «қизил иблислар» учун тўғри танлов эмас, деган фикрда. Бу ҳақда euro-football.ru хабар беради.
Оуэннинг таъкидлашича, ҳозир кўп мураббийларнинг диққати жаҳон чемпионатига қаратилган. Унинг айтишича, агар «МЮ» шундай номзодларни таклиф қилса, мундиал якунини кутишга тўғри келади, шундан кейин эса янги мураббийда ишни бошлашгача атиги бир-икки ҳафта қолади. Оуэн фикрича, «Манчестер Юнайтед»ни бошқариш катта масъулият бўлиб, жиддий режалаштиришни талаб қилади.
Шунингдек, Оуэн «Манчестер Юнайтед» мураббийлар штабида ҳозир ишлаётган Майк Каррикни жамоа бошида қолдириш тарафдори эканини билдирди.