Слуцкий бошқарувидаги «Шанхай Шеншухуа» Осиё Чемпионлар лигасидан чиқиб кетди
Осиё Чемпионлар лигасида сешанба куни «Шанхай Шеншухуа» (Хитой) ўз майдонида Япониянинг «Матидa Зелвия» жамоасини қабул қилди. Леонид Слуцкий шогирдлари 0:2 ҳисобида мағлуб бўлди. Бу ҳақда euro-football.ru хабар беради.
Меҳмонлар учрашувнинг 3-дақиқасидаёқ ҳисобни очди, якунда эса 88-дақиқада фарқни мустаҳкамлади. Ҳар икки гол муаллифи — Юки Сома бўлиб, у дубл қайд этди.
Ушбу мағлубиятдан сўнг «Шанхай Шеншухуа» умумий босқичнинг етти турида атиги тўрт очко жамғарган ҳолда плей-офф йўлланмаси учун курашиш имкониятини йўқотди.
Эслатиб ўтамиз, Леонид Слуцкий Хитой клубини 2023 йил охирида қабул қилиб олган эди.