Буффон Йилдиз келажакда «Ювентус» афсонасига айланишини айтди
«Ювентус»нинг собиқ дарвозабони ва клуб афсонаси Жанлуижи Буффон туринликлар ҳужумчиси Кенан Йилдиз ҳақида фикр билдирди. Бу ҳақда euro-football.ru хабар беради.
Буффоннинг айтишича, Йилдиз агар «Ювентус» билан Чемпионлар лигасини ютишга муваффақ бўлса, клуб тарихида афсонага айланиши мумкин. «Унинг майдонда кўрсатаётгани — ҳақиқатан ҳам ноодатий даража», — деди Буффон DAZN'га берган интервьюсида.
Туркиялик футболчи «Ювентус» сафига 2022 йилда «Бавария»дан эркин агент сифатида келиб қўшилган. 7-февраль куни Йилдиз турин клуби билан 2030 йил 30 июнгача мўлжалланган янги шартномага имзо чекди.
Жорий мавсумда ҳужумчи барча мусобақаларда 32 ўйинда майдонга тушиб, 9 та гол урди ва 8 та голли узатма амалга оширди.