Паненка пенальти услуби ҳурматсизлик эмаслигини таъкидлади

Афсонавий футболчи Антонин Паненка ўз номи билан аталадиган «паненка» услубида пенальти тепиш рақибни камситиш деган фикрга қўшилмаслигини айтди. У бу зарбани 1976 йилги Европа чемпионати финалида муваффақиятли ижро этган. Бу ҳақда euro-football.ru хабар беради.

Паненканинг сўзларига кўра, ўша пайтда у рақиб устидан кулиш ҳақида эмас, айнан гол уриш эҳтимоли энг юқори бўлган вариант ҳақида ўйлаган. «Бундай зарба ҳурматсизликми? Йўқ, мен бунга қўшилмайман. Европа чемпионати финалида ҳеч ким масхара қилишни ўйламайди. Мен футболни севаман ва ҳеч ким устидан кулмоқчи бўлмаганман. Менимча, бу гол уришнинг энг яхши йўли эди», — деди у Cadena SER радиосидаги El Larguero дастурида.

Шунингдек, Паненка аввалроқ Браҳим Диас нега Африка миллатлар кубоги финалида «паненка» билан гол ура олмаганини ўз қарашлари асосида изоҳлаб берганди.