Роналду атрофидаги можаро фонида «Ал-Наср» раҳбари истеъфога чиқди
Криштиану Роналду билан боғлиқ бойкот клуб ичида из қолдирди. Arriyadiyah хабарига кўра, Мохаммед ал-Скит «Ал-Наср» директорлар кенгаши раиси лавозимидан истеъфога чиқиш ҳақида ариза топширди. Функционер қарорини шахсий сабаблар билан изоҳлади, бироқ тафсилотларни очиқламади. Бу ҳақда euro-football.ru хабар беради.
Аввалроқ «Ал-Наср»да Роналдуга яқин бўлган португалияликлар — Жозе Семеду ва Симао Коутиньо ваколатлари қайта тиклангани айтилганди. Манбаларга кўра, юлдуз ҳужумчи клубдан ички муаммоларни бартараф этиш бўйича аниқ кафолатлар олган.
Қайд этилишича, «Ал-Наср»нинг бошқарув тизимидаги ўзгаришлар бундан кейин ҳам давом этади. Жамоа айни пайтда чемпионат жадвалида иккинчи ўринда бормоқда.