«Бока Хуниорс» клуби янги спорт директорини тайинлади
Аргентина гранди «Бока Хуниорс» спорт директори лавозимига Марсело Делгадо тайинланганини расман эълон қилди. У клуб президенти Хуан Рикелме билан яқиндан ҳамкорликда ишлайди. Эслатиб ўтамиз, Рикелме аввалроқ «Барселона» сафида ҳам тўп сурган. Бу ҳақда euro-football.ru хабар беради.
Клуб таркибини тезкор кучайтириш зарурати кун тартибида турибди. Шу боис Делгадо ва Рикелме дуэти трансферлар ҳамда жамоани янгилаш бўйича муҳим қарорлар устида ишлаши кутилмоқда.
Марсело Делгадо футболчилик фаолиятида Аргентина терма жамоасига ҳам жалб қилинган: 1995–2002 йиллар оралиғида у миллий жамоа сафида 18 та ўйин ўтказган ва 1998 йилги жаҳон чемпионатида ҳам майдонга тушган.
Делгадо 2003 йилда Либертадорес кубогида энг яхши тўпурар бўлишга ҳам эришган. У бу совринни «Сантос» ҳужумчиси, бразилиялик Рикардо Оливейра билан бирга қўлга киритган.