«Бока Хуниорс» спорт директори лавозимига Марсело Делгадо келди
Аргентина гранди «Бока Хуниорс» клубида спорт директори алмашди: ушбу лавозим Марсело Делгадога ишониб топширилди. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Жамоага яқин муддатда таркибни кучайтириш зарур, шу боис Делгадо ва Рикелме олдида трансфер бозорида тезкор ва аниқ қарорлар қабул қилиш вазифаси турибди.
Делгадо футболчилик фаолияти давомида Аргентина терма жамоасида ҳам тўп сурган: 1995–2002 йилларда 18 учрашувда майдонга тушган ва 1998 йилги Жаҳон чемпионатида ҳам иштирок этган.
Шунингдек, 2003 йилда у Либертадорес кубогида энг кўп гол урган футболчилар қаторидан жой олган — «Сантос» ҳужумчиси, бразилиялик Рикардо Оливейра билан бирга турнир тўпурари бўлган.