«Марсел» Де Дззерби ўрнига яна бир номзодни кўриб чиқмоқда
Франциянинг «Марсел» клуби Роберто Де Дззерби билан хайрлашганидан сўнг бош мураббийлик бўйича қидирувни давом эттирмоқда ва италиялик мутахассис ўрнига яна бир номзодни рўйхатга қўшди. Бу ҳақда euro-football.ru хабар беради.
Foot Mercato хабарига кўра, «Марсел» раҳбарияти Саудия Арабистонида ишлаётган Сержиу Консейсау вариантидан ташқари, Ҳабиб Бейе номзодини ҳам кўриб чиқмоқда.
Бейе яқинда «Ренн»да бош мураббий бўлиб ишлаган. У 9-февраль куни жамоанинг сўнгги тўртта учрашувдаги қониқарсиз натижалари ортидан лавозимидан четлаштирилган.
Ҳозирда «Марсел» чемпионат жадвалида 21 ўйиндан кейин 39 очко билан тўртинчи ўринда бормоқда. Унинг олдида «Лион» (42), «Ланс» (49) ва «ПСЖ» (51) жойлашган.