«Реал» ҳимоячиси Раул Асенсио бетоб бўлиб қолди
Мадриднинг «Реал» клуби ҳимоячиси Раул Асенсио пайшанба кунги жамоа машғулотида қатнашмади. Бу ҳақда «қаймоқранглилар» матбуот хизмати хабар берди. Бу ҳақда euro-football.ru хабар беради.
Клуб расмий маълумотига кўра, футболчи гриппга ўхшаш аломатлар сабабли машғулотни ўтказиб юборган.
«Реал» ҳозирда Испания чемпионати турнир жадвалида иккинчи ўринда бормоқда. Альваро Арбелоа жамоаси етакчи «Барселона»дан бир очко ортда.
14 февраль, шанба куни «Реал» Ла Лигада уйда «Реал Сосьедад»ни қабул қилади. «Сантьяго Бернабеу»даги учрашув 01:00 да (Тошкент вақти билан) бошланади.