Елагин келаси мавсум «Ливерпул»га оғир бўлишини айтди
Футбол шарҳловчиси ва эксперт Александр Елагин «Ливерпул»ни келаси мавсум янада мураккаб синовлар кутаётганини таъкидлади. Бу ҳақда euro-football.ru хабар беради.
Унинг фикрича, жорий мавсум ҳам Арне Слот учун осон кечмаяпти, бироқ навбатдаги мавсумда вазият янада чигаллашиши мумкин. Елагин Ван Дейк ва Салоҳ жамоани тарк этиши ёки клуб билан хайрлашишга мажбур бўлиши эҳтимолини тилга олди.
Эксперт авлодлар алмашинуви барибир юз беришини, таркибга «янги қон» кераклигини қайд этди. Унинг айтишича, «Ливерпул» юқори чўққида қолишни истаса, жамоани қайта форматлаш зарур, аммо ҳозирча майдонда «янги Жеррардлар» кўринмаяпти.
Англия чемпионатининг 26-туридан сўнг «Ливерпул» 42 очко билан турнир жадвалида 6-ўринда бормоқда.