Англия ФА Родри устидан интизомий айблов қўйди
Англия футбол ассосиaцияси (FA) «Манчестер Сити» ярим ҳимоячиси Родрига нисбатан айблов эълон қилди. Испаниялик футболчи АПЛда «Тоттенҳэм»га қарши баҳсдан кейин ҳакамлар ишини кескин танқид қилгани ортдан эътибор марказига тушди. Ўша учрашув 2:2 ҳисобида якунланган. Бу ҳақда euro-football.ru хабар беради.
BBC хабарига кўра, Родри спортга хос бўлмаган хатти-ҳаракатда айбланмоқда. Футболчи белгиланган муддат ичида FA қўйган айбловларга расмий жавоб бериши керак.
Эслатиб ўтамиз, Лондон сафарида «Манчестер Сити» 2:0 ҳисобида олдинга чиқиб олган, бироқ якунда фақат бир очко билан кифояланган.
Ҳозирда Хосеп Гвардиола жамоаси АПЛ турнир жадвалида иккинчи ўринда бормоқда. «Сити» пешқадам «Арсенал»дан тўрт очко ортда.