«Бока Хуниорс» янги спорт директорини расман тайинлади
Аргентинанинг «Бока Хуниорс» клуби спорт директори лавозимига Марсело Делгадони олиб келди. У жамоа президенти Хуан Рикелме билан яқин ҳамкорликда ишлайди. Клуб таркибни тез фурсатда кучайтиришга муҳтож бўлгани учун, янги тандемнинг асосий вазифаси айнан трансфер ва селекция масалаларини жадаллаштириш бўлади. Бу ҳақда euro-football.ru хабар беради.
Делгадо футболчилик фаолиятида ҳам юқори савияда тўп сурган: у Аргентина терма жамоасида 1995–2002 йиллар оралиғида 18 та учрашувда майдонга тушган ва 1998 йилги Жаҳон чемпионатида ҳам иштирок этган. Шунингдек, 2003 йилда у «Сантос» ҳужумчиси Рикардо Оливейра билан бирга Либертадорес кубогининг энг яхши тўпурари сифатида эътироф этилган.