Канчелскис Каррикка мавсум охиригача имконият беришни таклиф қилди
“Манчестер Юнайтед”нинг собиқ ярим ҳимоячиси Андрей Канчелскис клубнинг ҳозирги вақтинчалик бош мураббийи Майкл Каррик ишлари ҳақида фикр билдирди. Унинг қайд этишича, Каррик қўл остида жамоа сўнгги беш учрашувнинг тўрттасида ғалаба қозонган. Бу ҳақда euro-football.ru хабар беради.
Канчелскис жамоа АПЛ жадвалида кучли тўртликдан жой олиб, Чемпионлар лигасига йўлланма олиши шартлигини таъкидлади. Мураббийни доимий лавозимда қолдириш масаласида эса мавсум якунани кутиш кераклигини айтиб, шунга қарамай Каррикка имконият бериш тарафдори эканини қўшимча қилди.
Ҳозирда “Манчестер Юнайтед” 26 турдан сўнг 45 очко тўплаган ва чемпионат жадвалида тўртинчи ўринда бормоқда. Ундан юқорида “Астон Вилла” (50 очко), “Манчестер Сити” (53) ҳамда “Арсенал” (57) жойлашган.