«Ал-Ҳилол» Нунесни чемпионат рўйхатидан чиқарди, Бензема киритилди
Уругвайлик ҳужумчи Дарвин Нунес мавсумнинг қолган қисмида араб чемпионатида майдонга тушмайди. «Ал-Ҳилол»нинг италиялик бош мураббийи уни миллий чемпионат учун аризадан чиқариб, клубга янги кўчиб келган Карим Бенземага жой бўшатди. Бу ҳақда euro-football.ru хабар беради.
Шунга қарамай, Нунес жамоанинг Осиё Чемпионлар лигаси учрашувлари учун рўйхатда қолди ва у ерда «Ал-Ҳилол» сафида қатнашишда давом этади.
Эслатиб ўтамиз, Нунес аввалроқ Испаниянинг «Алмерия», Португалиянинг «Бенфика» ҳамда Англиянинг «Ливерпул» клубларида тўп сурган. У 2019 йилдан буён Уругвай терма жамоасига жалб этилиб келмоқда, ҳозирча миллий жамоа сафида 13 та гол урган ва 2022 йилги Қатар жаҳон чемпионатида ҳам иштирок этган.