Барбоза Сафоновни Яшин меросхўри сифатида эътироф этди
Футбол агенти Паулу Барбоза россиялик дарвозабон, ҳозирда "ПСЖ" сафида тўп сураётган Матвей Сафоновнинг ўйинлари ҳақида фикр билдирди. Бу ҳақда euro-football.ru хабар беради.
Барбоза таъкидлашича, Сафонов оғир шароитларда ўзининг энг кучли жиҳатларини кўрсатиб, Лев Яшинга муносиб давомчи борлигини исботлади. Агентнинг айтишича, жамоада ҳам Сафоновга ҳурмат баланд ва "ПСЖ" футболчилари унинг қанчалик муҳим эканини яхши тушунади.
Франция чемпионатининг жорий мавсумида Сафонов беш учрашувда майдонга тушиб, олти гол ўтказиб юборди.
26 ёшли дарвозабоннинг Париж гранди билан шартномаси 2029 йил июни охиригача мўлжалланган. Унинг бозор қиймати 15 миллион евроға баҳоланмоқда.